Distritos d'Inglaterra

Los distritos d'Inglaterra son un nivel de les subdivisiones d'Inglaterra usáu pa los propósitos del gobiernu llocal. Como la estructura del gobiernu llocal n'Inglaterra nun ye uniforme, anguaño hai cuatro tipos principales de subdivisiones de distritos. En total esisten 326 distritos: 32 boroughs londinenses, 36 distritos o boroughs metropolitanos, 201 distritos non metropolitanos y 55 autoridaes unitaries, amás de la Ciudá de Londres y de les Islles Sorlingas, que tamién son consideraos como distritos, pero nun correspuenden a nenguna d'estes categoríes.

Dellos distritos lleven el títulu de conceyu, ciudá o conceyu real; estes denominaciones son puramente honorífiques, y nun alterien l'estáu de distritu. Tolos conceyos y ciudaes, y unos pocos distritos, son empuestos por un alcalde que na mayoría de los casos ye una figura ceremonial electa pol conceyu del distritu, pero -dempués d'una reforma del gobiernu llocal- los alcaldes son direutamente escoyíos pol electoráu,y ye quien toma la mayoría de les decisiones en vegada del conceyu.